Gizarte zerbitzuak

Card image cap
Zumaiako Udaleko Gizarte Zerbitzuen helburuetako bat da herritarren bizi baldintzak eta bizi kalitatea hobetzea, eta gizarte bazterkeria egoerak prebenitzea, saihestea edo leuntzea. Hori gauzatzeko izaera pertsonaleko eta gizarte alorreko prestazio eta zerbitzuak eskaintzen ditu, baita dirulaguntzak bideratu ere.

Zumaiako Udalaren Gizarte Zerbitzuetan, bi mailatako zerbitzu eta prestazioak daude:

  • Propioak: Zumaiako Udalak eskaini eta kudeatzen dituenak
  • Beste arreta mailetako baliabideak

Guztiak Udal Gizarte Zerbitzuetatik bideratzen dira. Jarraian aurkezten diren zerbitzuak ezagutzeko edo jasotzeko, Udalaren Gizarte Zerbitzuetan hasten da ibilbidea. Arlo ezberdinen arabera antolatuak, prestazio bakoitzak fitxa bat du eskura herritarrak zerbitzuaren definizioa, betebeharrak eta bestelakoak ezagutzeko.

1. Informazioa, balorazioa, diagnostikoa eta orientazioa

Euskal Gizarte Zerbitzuetako Sistemaren zerbitzu eta prestazioez eta erabiltzailearen eskubide eta betebeharrez informatzeaz gain, Gizarte Zerbitzuetan herritarraren egoera aztertzen dugu, eta gehien egokitzen zaion plangintza egiten dugu.

2. Familia, haur, nerabe eta gaztetxoei arreta

Zumaiako herrian bizi diren familiei, eta batez ere, haurrak dituztenei zuzendurik zerbitzu ugari eskeintzen dira, familia barnean gerta daitezkeen egoera batzuei erantzuteko.

3. Nagusiak

Zumaiako adinekoen ongizatea bermatzeko, hainbat baliabide eta zerbitzu eskaintzen dira, gero eta zabalago den herritar talde honekin lan egiteko.

4. Mendekotasuna eta desgaitasuna

Mendekotasun eta/edo desgaitasun egoeran dauden herritarrentzat eta haien familientzat. Horrek dakartzan zailtasunei aurre egiten laguntzeko, zerbitzu eta baliabide espezializatuak daude.

5. Bizitzeko baliabideak

Beren egoera ekonomikoa dela eta laguntza behar duten familia eta norbanakoei zuzendutako baliabide eta prestazioak dira.

6. Indarkeria matxista

Emakume eta neska izanagaitik soilik gizartean edota bikote barnean jasan daitezkeen kalteak eragotzi eta aurre egiteko laguntzak dira.

7. Gizarteratzea

Gizarte bazterkeria eragozteko, eta jada bazterkerian dauden herritarrei gizarteratze prozesuan laguntzeko, Gizarte Zerbitzuek baliabide anitzeko sare bat eskaintzen dugu.

8. Herri mailako prebentzio zerbitzu eta programak

Herritar guztioi eragiten dizkiguten zailtasunak lantzeko eta aurreikusteko prebentziora zuzendutako baliabide ezberdinak ditugu Zumaian.

9. Parte hartzea eta gizarte promozioa

Herritar guztioi eragiten dizkiguten zailtasunak lantzeko eta aurreikusteko prebentziora zuzendutako baliabide ezberdinak ditugu Zumaian.

10. Lankidetza

Zumaiarren eta kanpoan jarduten duten erakundeen arteko zubiak eraikiz, lankidetzari lotutako arloak garatzen ditugu.