Aurten ere ez da santelmorik izango

2021/02/26

Bizi dugun osasun egoera kontutan hartuta, Zumaiako Udalak santelmoetarako egitaraua ez prestatzea erabaki du. Erabakia publiko egin aurretik herriko elkarteetako ordezkariekin bildu dira udal ordezkariak.

Covid-19aren pandemia tarteko, eta bigarren urtez, aurten ere ezingo da San Telmo jairik ospatu. Aukera desberdinak aztertu eta gero, inolako festa ekitaldirik egongo ez dela erabaki du Udalak. Erabaki zaila izan arren, egoera honetan aukera bakarra hori dela uste du.

Udal Gobernuak gaia oposizioko ordezkariekin adostu eta gero,  udal ordezkariak herriko kirol eta kultur elkarteetako ordezkariekin bildu ziren joan den astean, erabakiaren berri emateko.

Horrenbestez, datorren urtean herriko festak ospatzeko esperantzarekin, aurtengoan Udalak ez du ekitaldirik antolatuko santelmoetarako. Era berean, ez du babestuko festa kutsua izan dezakeen ekitaldirik.

Aurten ere ez da santelmorik izango