Itzurunen ere bandera gorria, uraren kalitatea dela-eta

2023/06/22

Santiago hondartzan eta errioan ere bainuak debekatuta egoten jarraitzen du, araudian ezarritako kalitate-irizpide mikrobiologikoak puntualki ez betetzeagatik.

Osasun Sailak egindako ur-analisiaren emaitzen arabera, Itzurun eta Santiago hondartzetako uretan E. coli bakteriaren onartutako muga gainditu da. Beraz, Osasun Sailak emandako irizpideei jarraiki, bainua eta uretako bestelako jarduerak debekatuta egongo dira uraren kalitatea hobetu bitartean, hondartzan bertan zein errioan.

Beste lagin baten emaitzen berri izango du laster Osasun Sailak, eta emaitzaren zain egon beharko da uraren kalitatea bainatzeko modukoa den ala ez jakiteko. 

Itzurunen ere bandera gorria, uraren kalitatea dela-eta
Argazkia: Baleike