Kirol arloko elkarte eta taldeei zuzendutako dirulaguntzak eskatzeko epea zabalik, ekainaren 18ra arte
Eskaerarekin batera oinarrietan aurkeztutako dokumentazioa aurkeztu beharko da.
Zumaiako irabazi asmorik gabeko kirol elkarteek urteko dirulaguntza eskaera egiteko deialdia zabalik dago. Eskaera orriarekin batera beharrezko dokumentazioa aurkeztu beharko da. Eskaerak egiteko azken eguna ekainaren 18a izango da.
Pertsona fisikoek presentzialki (udaletxeko Herritarren Arreta Zerbitzuan) edo telematikoki aurkeztu dezakete eskaera; pertsona juridikoek, berriz, telematikoki bakarrik aurkeztu ahal izango dituzte eskaerak.
Aurtengo deialdian zenbait berrikuntza txertatu ditu Zumaiako Udalak: dirulaguntza jasotzeko gutxieneko puntu batzuk lortzea ezinbestekoa izango da, eta, aurrekontuak zein zuriketak zehaztutako ereduen bidez aurkeztu beharko dira. Irakurri arretaz oharrak.
Ohar garrantzitsuak:
- Gastu konputagarriak: Oinarrietan ikus daitezke zein diren diruz lagundu daitezkeen gastu konputagarriak, baita horien definizioak ere (materiala, mantentze-zerbitzuak, entrenatzaileak...).
- Diru-sarrera eta gastuen aurrekontua: VI. eranskinean zehaztutako irizpideen arabera aurkeztu beharko da.
- Balorazio irizpideak: Deialdi honetan dirulaguntzak esleitzeko balorazio irizpideak txertatu dira. Gehienez 150 puntu lortu ahal izango dira.
- Gutxienez 60 puntu: dirulaguntza-eskaera onartzeko baldintza. Elkarte batek dirulaguntza jaso dezan beharrezkoa izango da honakoak gutxienez 60 puntu lortzea.
- 60–99 puntu: gastu konputagarrien % 80ko finantziazioa gehienez.
- 100–150 puntu: kostu konputagarrien % 100 finantziazioa.
- Zuriketa: VII. eranskinean jasotzen den justifikazio kontu sinplifikatuaren ereduaren bidez egin beharko da.
- Eranskin guztiak sinatuta aurkeztu behar dira
> Oinarriak
> Eskaera telematikoa
