KIROLDEGIKO 2. HIRU HILABETEKO NEGUKO IKASTAROETAN IZENA EMATEKO EPEA IREKI DA

2016/12/14

Ikastaroak astelehenetik ostiralera eskainiko dira goizez zein arratsaldez. Cycling, Gap, Aerobic edo Pilates bezalako ikastaro arrakastatsuak errepikatzen dira eta gainera, 7-14 urte bitarteko haurrei zuzendutako zumba klaseak berreskuratu dira

Ikastaro egitarau zabala eta anitza antolatu dute kiroldegiko arduradunek lehorreko zein uretako jarduerekin. Ikastaroak astelehenetik ostiralera eskainiko dira goizez zein arratsaldez eta adin guztietako zumaiarrek, bazkideek eta bazkide ez direnek ere parte hartu ahal izango dute.

Interesdunek kiroldegian izena eman beharko dute gustukoen duten ikastaroan. Guztiek hiru hilabete iraungo dute: 2017ko urtarrilaren 9tik martxoaren 24ra bitarte, alegia.  

Lehorreko jarduerak

Cycling, total training, gap, aerobic, pilates, mantentze gimnasia edota jump-eko ikastaroak dira kiroldegiak aurten eskaintzen dituen lehorreko jarduerak.

Horiez gain ezin ahaztu guztien artean arrakastatsuena den ikastaroa, Zumba, alegia. Oraingoan, ikastaro hori 7-14 urteko haurrentzat berreskuratu da, beraz, guztira, hiru adin multzotan banatuta eskainiko da ikastaroa: 7-10 urteko haurrak, 10-14koak eta 14 urtetik gainerakoak, hain zuzen.

Uretako jarduerak

Urte berriarekin batera badira uretan murgiltzera animatzen direnak eta horientzat igeriketa ikastaroak eskeiniko ditu kiroldegiak. Eta inoiz ez denez igeri egiten ikasteko berandu, 6 hilabetetik aurrerako haurtxoek ere izango dute haien aukera. Bestalde, 3 urtetik gorako haurren ikastaroei jarraipena emango zaie eta helduei dagokionez, igeri egiteko trebetasunaren arabera lau talde osatuko dira: hastapena, erdi maila, hobekuntza eta hobekuntza +.

Eskaintza zabal horren aurrean aitzakia gutxi daude Zumaian kirola ez egiteko. Animatu!

Eskaintza guztia HEMEN

Egutegia eta tarifak HEMEN

KIROLDEGIKO 2. HIRU HILABETEKO NEGUKO IKASTAROETAN IZENA EMATEKO EPEA IREKI DA