Zabalik dago udako kirol ikastaroetan izena emateko epea

Zumaiako Udalak udarako kirol eskaintza zabala prestatu du beste urte batez. Haur, gazte zein helduentzako jarduerak barnebiltzen ditu eskaintzak. Surf, SUP eta bodyboard ikastaroetatik hasi eta TRX, pilates edo multifitness bezalako jardueretaraino, askotariko aukerak izango dira aurten ere. 

Bestalde, uda osoan zehar martxan egongo da Itsasgain Kirol Elkartearen ontzien alokairu zerbitzua (piraguak, etab.), ohikoa den bezala.

Haurren ikastaroak:

• Igeriketa ikastaroa: 30 minutuko saioak izango dira, eta hamabostaldika antolatuko da ikastaroa, txanda desberdinetan.
• Surf / SUP / Bodyboard ikastaroa (Itzurun hondartzan): Bi modalitateren artean aukeratu ahal izango da: bi eguneko ikastaroa, edo bost egunekoa.

Halaber, haur eta gazteentzako kirol udalekuak ere izango dira LH4tik DBH2ra bitartekoentzat. Izen-emate epea itxita dago dagoeneko.

Nerabeen ikastaroak (14-16 urte):

Bi ikastaro izango dituzte aukeran, biak ere hilabeteko iraupenekoak:

• Multifitness-a
• Cycling gaztea

Helduen ikastaroak (16 urtetik gorakoak):

16 urtetik gorako pertsona guztiek ikastaro eskaintza zabala izango dute aukeran aurtengo udaran ere. TRX, cycling, pilates, GAP eta zumba ikastaroek hilabeteko iraupena izango dute. Helduei zuzendutako igeriketa ikastaroa, berriz, hamabostaldika antolatuko dute.

Ikastaro gehienek hilabeteko iraupena izango dute, eta elkarteekin elkarlanean antolatutako beste batzuek hamabostaldiko formatua izango dute. Jarduerak ekainaren amaieratik irailaren erdialdera bitarte egingo dira.

Ohar garrantzitsuak:
> Izen-ematea Lubaki kiroldegian egingo da.
> Ordainketa txartelarekin egitea gomendatzen da.
> Behin ordainketa eginda, ez da itzulketarik egingo, mediku-ziurtagiriz justifikatutako kasuetan izan ezik.

Albiste erlazionatuak