Salgai daude santelmoetako esku pilota jaialdi profesionalerako sarrerak

2025/03/26

Apirilaren 27an (igandea) esku pilota jaialdi profesionala hartuko du Zumaiak. Buruz buruko txapelketako final laurdenetako partida, B serieko buruz buruko txapelketako final laurdenetako partida, eta, eskuz binakako partida bat. Sarrerak entradasfronton.com webgunean eros daitezke.

Santelmoetan goi-mailako pilota partidak izango ditugu herrian. Apirilaren 27an (igandea) pilotari profesionalen bi partida izango dira, 17:15etik aurrera Aitzuri frontoian. 25 euro edo 30 euro balio dituzte sarrerek, eta, pilotarien zerrendaren faltan, dagoeneko salgai daude entradasfronton.com webgunean.

Buruz buruko txapelketaren barruan, final laurdenetako partida ikusi ahal izango dute Aitzuri frontoia joaten direnek. Partida nagusia baino lehen, B serieko txapelketako final laurdenetako partida ere jokatuko dute. Jaialdia amaitzeko, eskuz binakako partida bat ere jokatuko dute.

Zumaiako Udalak zumaiar guztiak gonbidatu nahi ditu goi mailako partida horiez gozatzera.

Salgai daude santelmoetako esku pilota jaialdi profesionalerako sarrerak