Torreberriko igogailua erabiltzeko giltza eskatu beharko dute bizilagunek

2022/10/18

Beharrezko egokitzapenak egin eta gero, martxan dago Torreberriko igogailua. Aurrerantzean eraikina itxita egongo da, baina bizilagunek igogailua nahi dutenean erabiltzeko aukera izango dute.

Torreberri eraikineko sarrerako irisgarritasuna araudira egokitu du Udalak, eta eraikinak sarrera elektronikoa du orain. Gainera, igogailua berritu da. 14.700 euro erabili dira horretarako. Aurrerantzean eraikina itxita egongo da, eta erabiltzaileek eta bizilagunek soilik izango dute giltza, espazioaren erabilera egokia bermatzeko.

Lanak amaituta, martxan dago igogailua, eta bizilagunek dagoeneko giltza eskatu dezakete udaletxean. Etxebizitza bakoitzeko bi giltza eskatu ahal izango dituzte.

Torreberriko igogailua erabiltzeko giltza eskatu beharko dute bizilagunek