Udal eraikinen garbitzaile bat kontratatzeko deialdiaren barruan behin betiko emaitzak argitaratu dira

2024/05/09

Ebazpen honekin prozesua amaitzen da. Garbitzailea kontratatzeaz gain, hautagaiekin lan-poltsa osatuko du Udalak.

Zumaiako Udalak udal eraikinen garbitzaile bat aldibaterako kontratatzeko prozesua martxan jarri du. Lanbideren bitartez egin da prozesua, merezimenduen balorazioaren bidez. Kontratatuko ez diren hautagaiekin lan poltsa osatuko du Udalak, lanpostuan sortu daitezkeen aldi baterako beharrak betetzeko. 2021ean hasi zuen Zumaiako Udalak zerbitzu hau publifikatzeko prozesua.

Hautaketa prozesua amaituta, behin betiko puntuazioak argitaratu ditu Zumaiako Udalak. Behin behineko puntuazioak ikusita, epaimahai kalifikatzaileak erabaki du, zerbitzua modu egokian betetzeko zailtasunak sortuz gero, hirugarren zerrenda bat sortzea, 0 puntu eta 3 punturen arteko emaitza lortu duten hautagaiekin.

> Lan eskaintzaren inguruko informazio guztia hemen

Udal eraikinen garbitzaile bat kontratatzeko deialdiaren barruan behin betiko emaitzak argitaratu dira