Komentua Kultur Topagunean aritzeko dinamizatzailea kontratatuko du Udalak

Kontratazio honen helburua da Komentua Kultur Topagunearen eguneroko funtzionamendua indartzea, bertan biltzen diren elkarteen, sortzaileen eta herritarren arteko elkarlana sustatuz, eta Udalaren eta Topagunearen arteko koordinazioa sendotuz.

Lanpostuaren ezaugarri nagusiak

• Lanpostua: Kultur dinamizatzailea

• Sailkapena: A2 taldea

• Hizkuntza-eskakizuna: 3. HE, derrigorrezkoa

• Lanaldia: %100

• Urteko ordainsari gordina: 44.780,09 € (antzinatasuna aparte)

• Hautaketa-sistema: Oposizio-lehiaketa (sistema irekia)

Eginkizun nagusiak

Lanpostuak, besteak beste, honako ardura hauek izango ditu:

• Kultur Topagunean dauden elkarteen arteko harremanak dinamizatzea eta elkarlana sustatzea.

• Asanbladaren funtzionamendu egokia eta kalitatezkoa bermatzea.

• Herriko ekosistema kulturala osatzen duten sortzaile eta eragileekin harremanak lantzea.

• Kultur Topagunearen barne- eta kanpo-komunikazioa bideratzea.

• Espazioen erabilera egokia eta agenda kulturalaren jarraipen orokorra bermatzea.

• Genero-ikuspegia eta euskararen erabilera txertatzea eguneroko jardunean.

Parte hartzeko baldintzak

Besteak beste, honako baldintza hauek bete beharko dira:

• Diplomatura edo baliokidea den gradua izatea.

• Euskararen 3. hizkuntza-eskakizuna egiaztatzea.

• Deialdian ezarritako gainerako baldintza orokorrak betetzea.

Eskabideak aurkezteko epea: 

Eskabideak deialdia Gipuzkoako Aldizkari Ofizialean argitaratu eta hurrengo egunetik aurrera 20 egun balioduneko epean aurkeztu ahal izango dira, egoitza elektronikoaren bidez edo Udalaren erregistroan.

Hautaketa-prozesuari, baldintzei eta probari buruzko informazio osoa oinarrietan jasota dago, eta Zumaiako Udalaren webgunean kontsulta daiteke.

Albiste erlazionatuak