Kultur arloko dirulaguntzak eskatzeko epea zabalik dago

2021/07/13

Herriko elkarteek uztailaren 27ra bitartean eskatu ditzakete kultur eta aisialdi jarduerak zein ekitaldiak antolatzeko dirulaguntzak. 2021ean zehar egindako jarduerak edo egingo direnak barnebiltzen ditu deialdiak.

Aurten ere kultur eta aisialdi alorrean lan egiten duten elkarteak diruz laguntzeko deialdiak argitaratu ditu Zumaiako Udalak. Bi dirulaguntza deialdi egin ditu Udalak: musika eta dantza alorreko elkarteei zuzendutakoa bata, eta kultura eta aisialdi alorrean lan egiten duten elkarteei bideratutakoa bestea.

2021. urte osoan zehar antolatutako ekitaldiak barnebiltzen ditu deialdiak, orain artean egindakoak eta egitekoak direnak; eta urte osoko jarduerengatik zein ekitaldi puntualengatik emango da laguntza.

Eskaerak uztailaren 27ra bitartean aurkeztu ahal izango dira, eta argibideak behar dituztenek Alondegiko bulegora deitu dezakete (943861056). Eskaera orria dagozkion eranskinekin batera aurkeztu beharko dute elkarteetako ordezkariek, Herritarren Arreta Zerbitzuan (udaletxean), Alondegian zein egoitza elektronikoaren bidez.

Kultur arloko dirulaguntzak

Kultur taldeei dirulaguntzak (2021):

> Oinarriak
> Eskaera orria

Musika, antzerkia eta dantza alorrean lan egiten duten elkarteentzako dirulaguntzak (2021)

> Oinarriak
> Eskaera orria

 

>> Dirulaguntza guztiak

Kultur arloko dirulaguntzak eskatzeko epea zabalik dago