Ahalik eta haur gehienek parte hartzeko, igeriketa ikastaroan saio bakarra egingo dute astean
Astean igeriketa saio bakarra egingo dute ikasleek, bi egin beharrean. Modu honetan, izena eman duten haur gehienek egin ahal izango dute ikastaroa. Ikastaroaren prezioa ere txikiagoa izango da.
Covid-19ak sortutako osasun egoera dela eta, garbiketa eta desinfekzio lanak indartzeaz gain, ekintza guztietan modu zorrotzean neurtu beharko dute aforoa edo betetze-maila.
200dik gora izen-emate egon dira haurren igeriketa ikastaroan, eta protokoloa eta aforoari lotutako neurriak aplikatuz, inolako aldaketarik egin gabe, 80 pertsonak soilik parte hartu ahal izango lukete ikastaroan. Hori horrela izanik, astean igeriketa saio bakarra egingo dute haurrek, bi egin beharrean, eta ikastaroa ostiraletan ere eskaintzea erabaki dute Kiroldegiko arduradunek; parte hartzen duten guztiek oinarrizko gaitasunak lortu ahal izango dituzte horrela.
Kiroldegiko arduradunak guraso eta tutore guztiekin harremanetan jarriko dira egunotan, argibideak emateko. Gainera, azaldu dutenez, matrikularen prezioa ere baxuagoa izango da.
Albiste erlazionatuak
Kirolak
Haurrak
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Basondora irteera egingo dute Ludotekako lagunek maiatzaren 5ean 2024/04/23
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03