2012an jaiotakoentzako ate ireki saioak eta jolasak egingo dituzte Gaztegunean

Datorren ikasturtetik aurrera 2012n jaiotakoek ere parte hartu ahal izango dute Gaztegunean –12 eta 17 urte arteko gazteei zuzendutako espazioa da honakoa–. Zerbitzua eta hezitzaileak ezagutu ditzaten, ate ireki saioak egingo dituzte ekainean eta uztailean zehar. 

Lehenengo hiru saioetan (ekainak 5, 12 eta 19) horientzat bakarrik irekiko dute Gaztegunea, 17:00etatik 20:00etara bitartean. Espazioa eta bertako funtzionamendu eta materiala ezagutzeko aukera izango dute hiru asteazkenetan, jolas librean eta inprobisazioan oinarrituz.

Hiru saio horiek pasata, astelehen goizetan zabalduko dute Gaztegunea eurentzat, 10:00etatik 14:00etara. Egun horietarako gidatutako ekintzak antolatu dituzte Gazteguneko hezitzaileek:

• Ekainak 24: Taldekako errelebo lasterketa

• Uztailak 1: Errioan bainua

• Uztailak 8: Baseball txapelketa

• Uztailak 15: Ur-jolasak

• Uztailak 22: Zapiaren jolasa

Gaztegunearen edo ekintzei buruzko edozein zalantza izatekotan hezitzaileekin harremanetan jartzera deitu dituzte nerabeak zein haien gurasoak. Horretarako bi telefono zenbaki zehaztu dituzte: 633467132 edo 688612940 (Ane eta Irati).

Albiste erlazionatuak