Asteazken arratsaldean egingo dute uztaileko ohiko osoko bilkura

Uztailaren 23an, arratsaldeko 18:00etan, egingo da Zumaiako Udalaren ohiko osoko bilkura. Besteak beste, honako gai hauek landuko dituzte:

• Hiri Mugikortasun Jasangarriko Plana: planaren hasierako onarpena bozkatuko da.

• Kale izendegia eguneratzea: Torreaga plaza eta Alpersail kalearen izendapena berraztertuko da.

• Komentuko barne-araudia: Komentua kultur topagune bihurtzeko funtzionamendu araudiaren hasierako onespena jarriko da mahai gainean.

• Langile eta ordezkari politikoen soldata-igoera: 2024ko urtarrilaren 1etik aurrerako %0,5eko igoera onartzea proposatuko da.

• Babes ofizialeko etxebizitzak: Torreaga 12 eremuko 46 BOE, garaje eta trastelekuen zozketa eta esleipenerako hitzarmenaren hasierako onarpena eztabaidatuko da.

Horrez gain, udal gobernuaren jardunaren kontrola, kreditu aldaketa batzuk eta alkate-ebazpenen berri ere emango da.

> Osoko bilkura deialdia: 2025/07/23

Albiste erlazionatuak