Lurraldebusen autobusak ez dira Txomin Agirre kaian sartuko astelehenetik aurrera, uda sasoi guztian
Astelehenetik aurrera Txomin Agirreko geltokiak kenduko ditu Lurraldebusek, uda sasoia dela eta. Irailaren 10era bitartean Patxita Etxezarretako geltokiak erabili beharko dira. Autobus pribatuek ere herrigunera sarrera debekatuta daukate maiatzen hasieratik.
Azken uda sasoi guztietan bezala, ekainaren 26tik irailaren 10era arte (biak barne) Txomin Agirre kaiko autobus geltokiak kenduko ditu Lurraldebusek. Hori dela-eta, Zumaia-Donostia lineako autobusek Patxita Etxezarreta kaleko geltokietan egingo dituzte geldialdiak aldi honetan.
Bestalde, Zumaiako Udalak gogorarazi nahi du maiatzaren hasieratik autobus pribatuek debekatuta dutela herrigunera sarrera, halako ibilgailuek trafikoan sortzen dituzten pilaketak saihesteko.
Albiste erlazionatuak
Trafikoa
- Nekazaritzako ibilgailuen IAT azterketak egingo dituzte Zumaian apirilaren 26an eta 29an 2024/04/18
- Lurraldebus zerbitzua gehiago indartuko dute asteburu honetan, San Telmo jaiak direla-eta 2024/04/11
- Autobusek ez dute Txomin Agirre kaian geldialdirik egingo martxoaren 28ik apirilaren 16ra 2024/03/26
- TAOren tarteko aldia sartuko da indarrean bihartik aurrera 2024/03/14