Ezohiko osoko bilkura izango da datorren asteartean (ekainak 27), udal osaketari lotutako gaiak lantzeko
2023/06/23
Osoko bilkura 18:00etan hasiko da, udaletxean.
Kargu hartzeko plenoaren ondoren, 2023-2027 agintaldiko lehenengo osoko bilkura izango da datorren asteartean egingo dena. Udal osaketari lotutako gaiak aztertuko dituzte, hala nola: ohiko osoko bilkuren egutegia, informazio batzordeen araubidea eta eraketa, udal korporazioko kideen dedikazioaren araubidea eta ordainsariak, gainontzeko instituzioetarako ordezkarien izendapenak, edota alkateordeen izendapenak.
