Gabonetako ekitaldietan laguntzeko elkarteen izen-ematea igande honetan itxiko da
Aurtengo Gabonetan ere herritarren parte hartzea eskatzen duten ekitaldiak izango dira: jaiotza, erregeentzat karta-jasotzea eta kabalgatak. Izen-ematea azaroaren 12ra arte egongo da zabalik.
Erregeentzako karta-jasotzea eta kabalgata egingo dira aurtengo Gabon jaietako ospakizunetan. Ohikoa denez, Zumaiako Udalak herriko elkarteen laguntza eskatzen du ekitaldi horiek aurrera eramateko.
Herriko talde eta norbanako ugarik hartu izan dute parte, baina antolaketan laguntza eskainiko duen talde handi baten beharra ere badu Kultur Sailak. Lan guztiak Kultur eta Turismo sailetako ordezkariekin batera zehaztu eta burutuko dira.
Laburbilduz, lankidetza beharko da honako ekitaldietan:
- Abenduaren 24an: arratsaldean Jaiotzan
- Urtarrilaren 4an: Erregeen pajeekin batera haurren kartak jasotzean
- Urtarrilaren 5an: Jaiotza Eusebio Gurrutxaga plazan, eta Kabalgataren prestaketa eta ibilbide osoan laguntza.
Izen-ematea
Izena eman nahi dutenek azaroaren 12ra bitartean izango dute aukera, Alondegia kultur etxean, 943 86 10 56 telefonoan edo kultura@zumaia.eus helbidean.
Izen ematearen arabera taldeei bilera batera dei egingo zaie eta beharrezko azalpenak eman. Taldeen arteko zozketa bilera horretan egingo da.
Nor aurkez daiteke?
Zumaiako herriaren edota bere biztanleen onurarako, kirol, kultur edo gizarte mailan, etekin ekonomiko propiorik gabe, modu iraunkorrean lan egiteko eratu diren elkarteak.
Elkarte hauek Udalak herriko taldeen artean dirulaguntzak emateko onartutako oinarri berak bete beharko dituzte (Gizarte Segurantzarekin eta Ogasunarekin zorrik ez dutela ziurtatu).
Albiste erlazionatuak
Festak
- Sanpedroak direla-eta kontutan hartu beharrekoak: su artifizialak, aparkalekuak eta bestelakoak 2024/06/27
- Sanpedroak ate joka, aurtengoan, berrikuntzekin 2024/06/19
- Zabalik dago auzoetako festak antolatzeko dirulaguntzen deialdia 2024/06/11
- Euskal Jai eguneko azokan postua jartzeko eskaera egiteko epea zabalik 2024/06/10
Parte hartzea
- Sanpedroak ate joka, aurtengoan, berrikuntzekin 2024/06/19
- Hondakinen kudeaketaren inguruko mahaia, ekainaren 17an Zumaian 2024/06/12
- Mugikortasunaren inguruko inkesta betetzeko azken egunak 2024/06/04
- Mugikortasun Jasangarrirako Plana egiteko prozesua abiatu du Udalak, eta inkesta bat zabaldu die herritarrei 2024/05/09