Irailaren 30ean amaituko da Julene Azpeitia 36. ipuin lehiaketara aurkezteko epea

2023/09/19

Literatur sorkuntza bultzatu asmo duen lehiaketa antolatu du beste urte batez Zumaiako Udalak. Julene Azpeitia ipuin lehiaketaren 36. edizioa izango da aurtengoa, eta irailaren 30era bitartean aurkeztu ahal izango dira lanak.

Lanek euskaraz idatziak, originalak eta aurrez argitaratu gabeak izan behar dute, eta ipuinak posta elektronikoz ere aurkez daitezke. Irailaren 30ean amaituko da horretarako epea.

Hiru sari banatuko ditu Zumaiako Udalak: 3.000 euroko saria izango du ipuin irabazleak, 1.500 euroko saria emango diote bigarrenari, eta 1.000 euro jasoko ditu Zumaiako lan onenak.

Lehiaketaren baldintza guztiak irakurtzeko egin klik hemen.

Irailaren 30ean amaituko da Julene Azpeitia 36. ipuin lehiaketara aurkezteko epea