Hemen da berriro Euskararen Astea

2025/11/21

Zumaiako Udalak Larraina euskara elkartearekin elkarlanean antolatu du 2025eko Euskararen Asteko programazioa. Julene Azpeitia ipuin lehiaketako sari banaketarekin hasiko dute astea, datorren astelehenean.

Abenduaren 3a Euskararen Nazioarteko Eguna izanik, datorren astelehenean hasita ekitaldi mordoa izango ditugu herrian. Zumaiako Udaleko Euskara Zerbitzuak eta Larraina euskara elkarteak era askotako jarduerak eta ekitaldiak antolatu dituzte elkarlanean  2025eko Euskararen Asteko egitarauan.

Zumaia egunero bizi da euskaraz, baina gaur egun oraindik euskarak bere espazio propioa eta bere aldarria behar ditu. Horregatik antolatzen du Udalak Euskararen Astea: euskaraz gozatzeko, ikusgarritasuna emateko eta herritarrak kultur jardueren bidez euskara bizitzen jarraitzera gonbidatzeko.

Azaroak 24, astelehena

Arratsaldeko 19:00etan, Alondegiko Oxford aretoan,  Julene Azpeitia 38. ipuin lehiaketako sarien banaketa; ondoren, Uxue Alberdi eta Amoranteren ESNE-BERRIKETAN bertso-saio literarioa, Oihana Iguaran eta Maddi Ane Txoperenerakin.

Azaroak 28, ostirala

Goizean BAGA BIGA emanaldia (Eñaut Elorrieta eta Mikel Markez) DBH4ko ikasleentzat Aita Mari zineman.

Azaroak 30, igandea

17:00 Aita Mari zineman haurrentzako filma: Sablehortz kapitaina eta Greleko kontesa 

Abenduak 2, asteartea

Eguerdian Imanol Azkueren Mendez mende Zumaian euskaraz liburua aurkezteko prentsaurrekoa.

Abenduak 3, asteazkena | EUSKARAREN EGUNA

  • Goizean ikastetxeetan 2026ko egutegia banatuko zaie HH eta LHko neska-mutilei.
  • Arratsaldeko 19:00etan, Aita Mari zineman, Lurdes Iriondori buruzko EZ GERA ALFERRIK PASAKO  dokumentala eta zuzendariarekin solasaldia. 

Abenduak 4, osteguna

Arratsaldeko 19:00etan eta Eusebio Gurrutxaga plazatik hasita, Kantujira, Larraina euskara elkarteak antolatuta.

Abenduak 7, igandea

17:00 Aita Mari zineman haurrentzako filma: Barrakudaren altxorra

Hemen da berriro Euskararen Astea