KZguneak zuzeneko hitzaldiak eskainiko ditu maiatzean zehar

KZgunean etxetik prestatzen jarraitu ahal izateko beste urrats bat eman du. Hala, maiatzean zehar, astero gai teknologikoei buruzko bi hitzaldi eskainiko dituzte.

KZgunearen zuzeneko hitzaldietara joateko Interneteko konexioa besterik ez dute behar herritarrek, Youtubeko KZguneaTIC kanalaren bidez egingo baitira. Halaber, hitzaldi horiek goizez eta arratsaldez izango dira.

Urruneko hitzaldien plangintza honako hau da:

• Maiatzak 5, 11:00-13:00 / Gaztelania: Murgildu zaitez errealitate birtual eta areagotuan
• Maiatzak 7, 18:00-20:00 / Gaztelania: Erosi etxetik irten gabe
• Maiatzak 12, 18:00-20:00 / Gaztelania: Heziketa eta segurtasuna Interneten
• Maiatzak 14, 11:00-13:00 / Gaztelania: Zure ordenagailua birus eta bestelako mehatxuetatik babestu
• Maiatzak 19, 11:00-13:00 / Euskara: Ezagutu 3D inprimatzeak dituen aukerak
• Maiatzak 21, 18:00-20:00 / Gaztelania: Gauzen Interneta
• Maiatzak 26, 18:00-20:00 / Gaztelania: Android sekreturik gabe
• Maiatzak 28, 11:00-13:00 / Gaztelania: Zure Smartphonea prest izan

Aurrez aurreko hitzaldietan ez bezala, hauek ez dute aldez aurretik izena emateko beharrik. Youtuben sarrera librea da.

Era berean, oraindik eskura dago zalantza teknologikoak argitzeko urrutiko laguntza-zerbitzua, telefonoz edo posta elektronikoz, baita KZgunearen urruneko ikastaroak ere.

Albiste erlazionatuak