'Luze edo motz' ikuskizunarekin hasiko da martxoaren 8aren harira antolatutako egitaraua
Emakumeon* Etxera bisitak, manifestazioa, eta zaintzaren inguruko jardunaldiak izango dira martxoan zehar. Beste urte batez, herriko eragileekin batera antolatu du egitaraua Zumaiako Udalak.
Ostegun honetan bertan hasiko da martxoaren 8ra begira antolatutako egitaraua Zumaian. Mirari Martiarena eta Idoia Torregarai umoristek “Luze edo motz” ikuskizuna eskainiko dute Emakumeon* Etxean, arratsaldeko 19:00etan. Ikuskizun honetan generoa hartuko dute umoregai, gure gizartea zertan luze eta zertan geratzen den motz galdetzeko. Horretarako hilekoa, menopausia, ligatzeko teknikak eta sexua izango dituzte hizpide, besteak beste.
Martxoaren 8an (asteartea) Zumaiako Mugimendu Feministak manifestazioa egingo du. 19:00etan hasiko da Eusebio Gurrutxaga plazatik, “Feminismoa, dena aldatzeko” lemapean. Gainera, herrian Emakumeon* Etxea dagoenetik lehenengo martxoaren 8a izanik, martxoaren 7an, 8an eta 9an eskoletako ikasleei bisita gidatuak egingo dizkiete.
Zaintzaren inguruko problematika mahai gainera
Aurtengo martxoaren 8aren bueltan, Zumaiako Udaleko Berdintasun Sailak zaintzaren gaia mahaigaineratu nahi du. Martxoaren 17an eta 18an Ana Fernandez Cubero arkitektoa izango da Zumaian. Lehenengo saioan zaintzaren arkitekturei buruzko hitzaldia eskainiko du: oinarrizko kontzeptuak azaldu, eta horiek Zumaian lurreratzeko solasaldi gidatua izango da. Bigarren saioan herriko gabezia eta indarguneak aztertuz, Zumaian zaintzaren egoeran dagoen egoeraren inguruko diagnostikoa egingo du. Bi saioak gazteleraz izango dira.
Ildo beretik, apirilaren 6an “Elkar zaintzeko sistema publiko-komunitario baterantz. Udalerrien erronkak” hitzaldia emango du Miren Aranguren Emagin taldeko formatzaileak, euskaraz.
Albiste erlazionatuak
Emakumeon* Etxea
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Hamaika indarkeria matxista kasuren berri izan du Zumaiako Udalak 2023an 2023/11/24
- [BIDEOA] Zaintzak neurtu, neurriak hartzeko 2023/11/24
- 'Kontakizunekin jolasean' tailerra egingo dute larunbat honetan Emakumeon* Etxean, Geuretik Sortuak ekimenaren barruan 2023/06/15
Feminismoa
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Martxoaren 8ko bizipenak partekatzeko saio irekia, gaur arratsaldean Emakumeon* Etxean 2024/03/13
- Zumaiako Udalaren adierazpena, Martxoaren 8an 2024/03/08
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
Berdintasuna
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Martxoaren 8ko bizipenak partekatzeko saio irekia, gaur arratsaldean Emakumeon* Etxean 2024/03/13
- Zumaiako Udalaren adierazpena, Martxoaren 8an 2024/03/08