Ohiko osoko bilkura izango da ostegun honetan
Etxebizitza turistikoen inguruko araudia onartzearekin batera, etxebizitzaren arloarekin lotutako eta Martxoaren 8ra begirako mozioak aztertuko dituzte osteguneko osoko bilkuran. Ohi bezala arratsaldeko 18:00etan hasiko da.
Osteguneko osoko bilkuran Zumaian etxebizitza turistikoak erregulatzeko araudia aztertuko dute. Hori izango da gai nagusia, baina bestelako gaiak ere aztertuko dituzte: Debegesa eta Zumaiako Udalaren arteko hitzarmena, Geoparkeko Turismo Planari lotutakoa; Udalak berezkoak dituen sarrerak bide exekutiboan biltzeko Zumaiako Udalaren eta Foru Aldundiaren hitzarmena; eta, udal langile eta ordezkari politikoen ordainsarien %0,5eko igoera. Gainera, etxebizitzaren arloarekin lotutako eta Martxoaren 8ra begirako mozioak aztertuko dituzte.
Osoko bilkura 2024/02/28
