Santelmoetako egitaraua antolatzen hasi dira herriko eragileak eta Udala

2022/02/16

Bi urteren ondoren, 2022ko santelmoak egin ahal izatea espero dute.

Zumaiako Udala santelmoen egitaraua prestatzen duten eragileekin bildu da astearte honetan. Festak "normaltasunez" antolatzen hasiko dira, betiere egoera berriro okertzen bada indarrean jarriko liratekeen neurrietara moldatu beharko direla aurreikusita.

Azken bi urtetan zumaiarrek izandako jarrera eredugarria nabarmendu dute bileran udal ordezkariek, eta uste dute, egungo egoeran festak antolatzen hasteko moduan gaudela. Hainbat eragileren ordezkarik azaldu dute dagoeneko martxan daudela, eta datozen asteetan hasiko dira lanean besteak ere. Orain artean bezala, Udala eta eragileak elkarlanean arituko dira festen antolaketan.

Santelmoetako egitaraua antolatzen hasi dira herriko eragileak eta Udala