TAO sistemari buruzko inkesta betetzeko eta mahai tekniko-politikoan izena emateko epea ostiralean amaituko da
Udaletxean bertan zein partaidetza.zumaia.eus webgunearen bidez bete daiteke inkesta. Mahai tekniko-politikoan izena emateko ere bide berak erabili ditzakete herritarrek.
Aparkalekuen erregulazio sistema ezarri zenetik erabilitako prozedurari jarraiki, eta martxoko bilera irekietan agindu bezala, sistema birpentsatzeari ekin dio Zumaiako Udalak. Sistema ahalik eta sinple eta erosoena diseinatzeko ezinbestekoa da herritarren parte hartzea.
Lehen fasean, hiru aukera dituzte herritarrek beren ekarpena egiteko, udaletxean bertan zein partaidetza.zumaia.eus webgunean:
- Inkesta betetzea
- Ekarpen irekia egitea
- Mahai tekniko-politikoan partehartzea
Mahai tekniko-politikoan parte hartzeko izen-ematea eta galdetegia betetzeko epea azaroaren 6ra arte egongo da zabalik, eta prozesua martxora arte luzatuko da. Herritar orok prozesuaren jarraipena egin eta parte hartu ahal izango du partaidetza.zumaia.eus webgune berriaren bidez.
Albiste erlazionatuak
TAO/OTA
- TAOren tarteko aldia sartuko da indarrean bihartik aurrera 2024/03/14
- TAOren udako aldia ostiral honetan amaituko da 2023/09/14
- TAOren udako aldia ekainaren 15ean hasiko da 2023/06/14
- Zabalik dago TAO bulegoa 2023/05/15
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16