Txomin Agirre kaian txandakako trafikoa ezarriko da azaroaren 7tik 11ra bitartean, eta zenbait aparkaleku kendu

2022/11/04

Portu Zuzendaritzak Txomin Agirre kaiko zorua konponduko du datorren astean. Lanek iraun bitartean, Moilaberriko zubitik Amaia plazara bitarteko errepidean txandakako trafikoa ezarriko da eta gune horretako aparkalekuak ez dira erabilgarri egongo.

Portu Zuzendaritzak Txomin Agirre kaian hondatutako eremuak saneatu eta zoruaren egoera konponduko du datozen asteotan. Lehenego fasea datorren astean zehar egingo dute, azaroaren 7tik 11ra bitartean. Egun horietan txandakako trafikoa ezarriko da Txomin Agirre kaian (semaforoen bidez erregulatuko da trafikoa), eta Moilaberriko zubitik Amaia plazara bitarteko aparkalekuak ez dira erabilgarri egongo.

Bestalde, Txomin Agirre kaiko autobus geltokian aldaketa txiki bat izango da, eremu horretako zoruan ere konponketak egin behar dituztelako. Lan horiek egiten dituzten bitartean, geltokia metro batzuk atzerago egongo da.
Txomin Agirre kaian txandakako trafikoa ezarriko da azaroaren 7tik 11ra bitartean, eta zenbait aparkaleku kendu