Zorionak, Lucia!

2024/01/11

Lucia Lacarra dantzariak 2023ko Arte Ederren Merezimenduaren Domina jasoko du du, eta Zumaiako Udalak bere zorionik beroenak eskaini nahi dizkio Lacarrari lortu duen aitortzagatik.

Lucia Lacarra dantzariak 2023ko Arte Ederren Merezimenduaren Domina jasoko du du. Hala iragarri du Ernest Urtasun Espainiako Kultura ministroak; haren hitzetan, sari hauek  "sortze artistiko eta kulturalaren esparruan nabarmendu diren pertsona edo erakundeak zein zerbitzu azpimarragarriak egin dituztenak" aitortzen dituzte. Dantzaria ballet klasikoan egindako ibilbideagatik saritu dute, eta Espainiako Kultura Ministerioak ematen dituen Arte Ederren Urrezko Dominak jasoko dituzten 37 artista edo agenteetako bat da.

Zumaiako Udalak bere zorionik beroenak eskaini nahi dizkio Lacarrari lortu duen aitortzagatik, eta bere ibilbide guztian zehar egin duen eta egiten ari den lan bikainarengatik. Halaber, eskerrak eman nahi dizkio urte guztiotan Zumaiarekin eta zumaiarrekin mantendu duen lotura estuagatik, eta, aurrerantzean ere bidelagun izaten jarraitzea desio du.

Zorionak, Lucia!

Zorionak, Lucia!