Zumaia inguruko trafikoan aldaketak izango dira larunbatean, Zarauzko triatloia dela-eta

Larunbat honetan aldaketa nabarmenak izango dira Zumaia inguruko trafikoan, Zarauzko triatloia dela-eta. Gidariei aholkatzen zaie bidaiak aurrez planifikatu ditzatela, ondorengo oharrak kontutan hartuta.

Trafiko aldaketak direla-eta AP-8 autobista erabili behar dutenei txartel bat emango zaie, autopista doan erabili ahal izan dezaten. Bestalde, garraio publikoan ere aldaketak izango dira; kontsultatu Lurraldebusen webgunea edo geltokietan jarritako informazioa.

Autoen trafikoari dagokionez, honakoak dira kontutan hartu beharrekoak:

Zumaiara iristeko:

• Zarauztik: N-634 errepidetik joan ahalko da normaltasunez.
• Oikiatik (14:15-18:10): Oikiatik ateratzeko Beduako bidea erabili beharko da
• Azpeitiatik, Zestoatik, Itziarretik (14:15-18:00): Zarautz aldera joateko aP-8 autopista (Itziar edo Elgoibartik); Zumaiara iristeko, N-634 errepidea

Zumaiatik irteteko:

• Zarautz aldera (14:15-18:30): AP-8 autobidea erabili beharko da; N-634 errepidea itxita egongo da Zumaia-Zarautz noranzkoan
• Getariara eta Zumaiako kirol portura iristeko bide guztiak itxita
• Itziar, Aizarnabazal eta Zestoa aldera: Narrondotik AP-8 autobidea hartuta, edo Itziar-Endoia bidea hartuta.

Albiste erlazionatuak