TAOren udako aldia ostiral honetan amaituko da
Irailaren 16tik azaroaren 4a bitartean tarteko aldia egongo da indarrean. Asteburuetan bertakoen guneek eta errotazio altuko zenbait gunek indarrean jarraituko dute; astean zehar, berriz, neguko aldiko araudia aplikatuko da.
TAOren udako aldia amaitzearekin bat, astean zehar bertakoen guneak indargabetuta geldituko dira. Dena den, azaroaren 4ra arte, asteburuetan indarrean egongo dira bertakoentzat gordetako guneak (zuriz margotutakoak).
Horrez gain, asteburuetan errotazio altuko zenbait gune indarrean egongo dira. Txomin Agirre (Zubitxikitik Moilaberriko zubira doan tartea) eta Arbustain (Arranpla) ingurunea ordainpekoa izango da larunbat, igande eta jai egunetan. Gehienez ere 3 orduz utzi ahal izango da autoa bertan.
Astean zehar, aldiz, neguko aldiko araudia izango da indarrean: bertakoen guneak ez dira indarrean egongo, ezta errotazio altuko eremu gehienak ere. Txomin Agirre (Moilaberriko zubitik Pulpo elkartearen pareraino) eta Amaia plazako eremuan errotazio altuko eremua egongo da indarrean egunero, eta gehienez 3 orduz utzi ahal izango da autoa bertan.
Albiste erlazionatuak
TAO/OTA
- Zabalik dago TAO bulegoa 2024/05/15
- TAOren tarteko aldia sartuko da indarrean bihartik aurrera 2024/03/14
- TAOren udako aldia ekainaren 15ean hasiko da 2023/06/14
Trafikoa
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10
- Mugikortasun Jasangarrirako Plana egiteko prozesua abiatu du Udalak, eta inkesta bat zabaldu die herritarrei 2024/05/09
- Goiko Plazako aldaketen inguruko bilera irekia izango da maiatzaren 8an 2024/05/03
- Nekazaritzako ibilgailuen IAT azterketak egingo dituzte Zumaian apirilaren 26an eta 29an 2024/04/18