San Jose kaleko berrurbanizazio lanak amaituta

2024/07/03

San Jose auzoko mendebaldeko sarrera handitzearekin batera, zenbait etxebizitza-bloketan igogailu eta eskaileren nukleoak egiteko aukera zabaldu dute obra hauek. Gainera, argiteria-, ur- eta saneamendu-sareak berritu dira.

[IKUSI ARGAZKIAK ALBISTEAREN AMAIERAKO ZATIAN]

2023ko azaroaren amaieran hasi, eta joan den ekainaren erdialdean amaitu zituen Zumaiako Udalak San Jose kalea berrurbanizatzeko lanak. Obra honekin auzo honetako irisgarritasuna eta bizilagunen bizi-balintzak hobetu nahi izan dira, eta Zumaiako Udalak 573.820 euro erabili ditu lan hauek egiteko.

Proiektu honek 2014ko 03 HA Odieta San Jose Hiri Berrikuntzarako Plan Berezian ezarritako helburuei erantzuten die. Honakoak dira, zehazki:

  • San Jose auzoko mendebaldeko sarrera handitzea, ibilgailuen ibilbidea zabalduz, eta malda irisgarritasun-araudira egokituz (besteak beste, auzotarren ibilgailuen zein anbulantzien sartu-irtenak hobetzeko).
  • Horrela, Odieta kalea San Juan egoitzarekin lotu da. San Joseko 26., 27. eta 28. etxebizitza-blokeetan igogailu eta eskaileren nukleoak egiteko espazioa egokitzea, eta horietara ibilbide irisgarriak egokitzea.

Aldaketa horiekin batera, auzoko azpiegiturak egokitu ditu Udalak: argiteria publikoko sare berria, ur mailakatuaren hornidura-sarea, eta saneamendu-sare bereizia sortu dira.

San Jose kaleko berrurbanizazio lanak amaituta