Zumaiako gazteen partehartze zabala 'Arnasetik' bideosormen lehiaketan

UEMAk antolatutako ekimen honek euskararen erabilera eta sormena sustatzea ditu helburu, eta euskararen arnasguneak osatzen dituzten udalerrietako gazteei zuzenduta dago. Zumaiako gazte mordoa aritu da Arnasetik bideosormen lehiaketan  parte hartzeko lanak prestatzen, eta, denera, 16 bideo aurkeztu dituzte. 

Zumaiarrek egindako 16 bideo

Arnasetik lehiaketa hiru kategoriatan banatuta dago, eta Zumaiako eskoletako ikasleek hiru erronkei gogoz heldu diete.

• Txokorako bidea (LH 5-6 maila): Kategoria honetan Herri Eskolako ikasleek 2 minutuko zortzi bideo aurkeztu dituzte, herriko txoko kuttunak aukeratuta. Ikusi hemen bideo guztiak.
• Prestatu nirekin (DBH 1-2 maila): Kasu honetan urte osoan zain egoten diren egun edo ospakizunen ingurko kontakizuna egin behar izan dute. Zumaienako ikasleek bi bideo aurkeztu dituzte, eta ZHEkoek beste bi. Ikusi hemen bideo guztiak.
• Bosteko katea (DBH 3-4 maila): Erronka honako hau izan da: beste norbaiten larruan jartzeko aukera izango balute, norena izango litzatekeen eta zergatik azaldu behar zuten, bost laguneko katea osatuz. Zumaienako ikasleek bi bideo aurkeztu dituzte, eta ZHEkoek beste bi. Ikusi hemen bideo guztiak.

Sariak eta bozketak

Lehiaketa honen barruan bi sari banatuko dituzte katgoria bakoitzean: Epaimahaiaren Saria eta Publikoaren Saria. Azken hori herritarren bozketa bidez erabakitzen da. Partehartzaileek 500 euro baliokidea irabazteko aukera dute, euren sormena eta euskararen erabilera baloratuz.

Zumaiarren ahaleginari arnasa emateko, zumaiarrek sortutako lanak ikustera eta horien aldeko botoa ematera gonbidatu nahi ditu Udalak herritar guztiak.

> Bideoak ikusteko eta bozkatzeko egin klik hemen

Albiste erlazionatuak