Beduako paduren biodibertsitatea ezagutzeko aukera izango da datorren astean

2023/10/03

Hitzaldi laburra eskainiko dute hasieran, eta, Basusta ingurura joango dira gero. Bi saio antolatu dituzte: bata euskaraz (urriak 9, astelehena), eta bestea gazteleraz (urriak 10, asteartea). Parte hartzeko beharrezkoa izango da aurrez izena ematea, ingurumena@zumaia.eus e-mailera idatzita edo 943865033 telefono zenbakira deituta.

Zumaiako  Udalak Beduako paduren berreskurapen lanetan dihardu 2019tik. Datorren aste hasieran, azken urteetako ekintzen berri emango du Aranzadi Zientzia Elkarteak. Azalpenak eta gero, Basusta ingurura joko dute, paduretako habitatak bertatik bertara ezagutzeko.

Bi saio antolatu dituzte:

  • Urriak 9, astelehena: Euskaraz. 17:30ean elkartuko dira Alondegiko Moila gelan
  • Urriak 10, asteartea: Gazteleraz. 17:30ean elkartuko dira Alondegiko Oxford aretoan

Izen-ematea

Partaide kopurua mugatua izanik, beharrezkoa izango da aurrez izena ematea. Horretarako bi aukera jarri dituzte: ingurumena@zumaia.eus e-mailera idaztea edo 943865033 telefono zenbakira deitzea.

Bedua_sinadurak.png

Beduako paduren biodibertsitatea ezagutzeko aukera izango da datorren astean