Birziklapen Etxola Eusebio Gurrutxaga plazan dago berriro ere

2022/07/13

Maiatzaren erdialdean kendu zen etxola plazatik, beharrezko konponketak egiteko.

Erabilitako olioa, pilak, jostailuak, kableak eta beste hainbat hondakin bereizita jasotzeko aukera ematen du etxolak, Gorostiagako Garbigunera eraman beharrik gabe. Etxolak hainbat leihatila ditu eta horietako bakoitzean hondakin mota bat biltzeko irudia eta testua agertzen dira.

Hondakin berezien bilketa zerbitzua hobetzea eta horien birziklatze-tasa handitzea da Zumaiako Udalak eta Urola Kostako Udal Elkarteak martxan duten zerbitzuaren helburua.

Birziklapen Etxola Eusebio Gurrutxaga plazan dago berriro ere