Egonkortze prozesua: merezimenduak egiaztatzeko epea zabaltzea, eta euskarako proba egiteko deialdia

2023/10/17

Hamaika dialdiren barruan, merezimenduak egiaztatzeko epea zabalik dago dagoeneko, urriaren 27ra arte (hau barne). Halaber, lan eskaintza horiek guztien eta beste hiru deialdiren barruan euskarako proba egiteko deialdia egin du Udalak, eskatzen den euskarako profila egiaztatu ez dutenei zuzendutakoa.

Iraupen luzeko aldi baterako enplegua egonkortzeko salbuespenezko deialdia egin zuen Zumaiako Udalak, 20/2021 Legearen 6. eta 8. xedapen gehigarrietatik eratorritakoa. Prozesu horren barruan, hainbat plaza betetzeko prozesuak abiatu ditu Udalak. Prozesuen inguruko informazio guztia, lan eskaintza publikoa atalean dago jasota.

Merezimenduak egiaztatzeko epea:

Honako hautaketa prozesuetan merezimenduak egiaztatzeko epea zabaldu du Zumaiako Udalak. Urriaren 27an amaituko da horretarako epea.

  • Giza baliabideen eta Euskara/Hezkuntzako administraria (LEHIAKETA)
  • HAZ-eko administraria (LEHIAKETA)
  • Administrazio orokorreko teknikari 2 plaza (LEHIAKETA)
  • Informatika teknikari laguntzailea (LEHIAKETA)
  • Kulturako teknikari laguntzailea (LEHIAKETA)
  • Gizarte zerbitzuetako administraria (LEHIAKETA)
  • Partaidetza, Migrazio, Berdintasun eta Gazteria teknikaria (LEHIAKETA)
  • Ikastetxeko atezaina (LEHIAKETA)
  • Kulturako atezaina (LEHIAKETA)
  • Kontu-hartzailetzako teknikaria (LEHIAKETA)
  • Peoi bi plaza (LEHIAKETA)

Euskara proba egiteko deialdia:

Halaber, aurrez aipatutako deialdietan eta aurrez martxan dauden beste hiru deialdietan (Jardueretako eta Ingurumeneko teknikaria plaza, Haur teknikari laguntzailea plaza eta Ludotekako hezitzailea 2 plaza), eskatzen den euskarako profila egiaztatu ez dutenei, euskarako proba egiteko deialdia egiten zaie.

> Deialdia: euskara proba

Egonkortze prozesua: merezimenduak egiaztatzeko epea zabaltzea, eta euskarako proba egiteko deialdia