Esku pilota jaialdi ikusgarria santelmoetan, igande honetan
Aurten ere santelmoetako esku pilota jaialdia izango da Aitzuri pilotalekuan, Aspe enpresaren eta Udalaren eskutik. Baina ez San Telmo egunean ohi bezala, bezperan baizik, igandean.
Apirilaren 7an (igandea) 17:00etan hasiko da hiru partidez osatutako jaialdi ikusgarria. Aurrenekoan, B mailako Buruz buruko txapelketan, Exposito eta Eskiroz ariko dira, final-zortzirenetan.
Bigarrengo partida ere buruz burukoa izango da, txapelketa nagusikoa. Binakakoa bosgarren aldiz irabazi berri duen Zabaletak Jaka izango du kontrario, final-zortzirenetako kanporaketaren barruan.
Jaialdiari amaiera emateko, binaka ariko dira Altuna III.a-Martija eta Elordi-Rezusta, beste partida erakargarri batean. Bukatu berri den Binakako Txapelketan txapeldunorde izan dira Altuna eta Martija.
Albiste erlazionatuak
Kirolak
- Zabalik dago Zumaiako goi-mailako kirolariei eta behar bereziak dituzten herritarrei zuzendutako dirulaguntzak eskatzeko epea 2025/11/05
- Kirol klubek, anbulategiak eta Udalak bat egin dute pantailen erabilera osasungarriaren alde 2025/10/20
- Udalaren izenean, zorionak eta eskerrik asko Flysch Trail mendi lasterketako kide guztiei 2025/10/07
- Surfa eta musika elektronikoa, bihar Itzurun hondartzan 2025/07/18
Festak
- Olarro Eguneko argazki rallya antolatu dute beste urte batez Zumaiako Udalak eta Distira elkarteak 2025/08/13
- Olarro Egunean lan egiteko herriko elkarteei deialdia 2025/08/05
- Sanpedroetan kontutan hartu beharrekoak: Gozategiren kontzertuaren eragina trafikoan, su artifizialak... 2025/06/24
- Zabalik dago auzoetako festak antolatzeko dirulaguntzen deialdia 2025/06/24
