Gaël Fayeren 'Ene herri txikia' eleberriarekin hasiko du ikasturtea Irakurri Matte irakurle taldeak

2023/09/07

Irailaren 12an elkartuko dira, ohi bezala, 18:00etan Alondegiko Moila gelan.

Uxue Alberdi idazle eta literaturzaleak gidatzen duen irakurle taldeak hamabigarren ikasturtea du Zumaian. Hilabetean behin Alondegiko Moila gelan bildu izan dira taldekideak, irakurritakoak norberari zer ekarri eta iradoki dion partekatzeko. Astearteetan egiten dituzte saioak, 18:00etan. 

Ikasturteko lehen saioan Gaël Faye abeslari, rap musikari eta idazle ruandar-frantziarraren Ene herri txikia eleberria aztertuko dute. Irailaren 12an elkartuko dira horretarako.

Udazkeneko irakurgaiak ere jada aukeratu dituzte: urriaren 10ean Garazi Arrularen Lurraz beste aztertuko dute, idazlea bertan dela, azaroaren 14an Sherwood Andersonen Winesburg. Ohio eta, urtea bukatzeko, abenduaren 12an Bihurguneko nasa, Uxue Apaolaza bertan dela.
Gaël Fayeren 'Ene herri txikia' eleberriarekin hasiko du ikasturtea Irakurri Matte irakurle taldeak