Eider Rodriguezen 'Dena zulo bera zen' ipuin bildumarekin hasiko du urtea Irakurri Matte irakurle taldeak

Neguko oporretan irakurtzeko liburu proposamean dakar Irakurri matte irakurle-taldeak. Urte berria Eider Rodriguezen Dena zulo bera zen ipuin bilduma hizpide hartuta hasiko dute; urtarrilaren 13an elkartuko dira horretarako.

Beste lau liburu ere izango dituzte hizpide maiatza amaitu bitartean: otsailaren 10an Jon Artanoren Juana aztertuko dute, idazlea bertan dela; martxoaren 10ean Bernardo Atxagaren Enarak eleberria; apirilaren 14an Maddi Ane Txoperena idazlearekinn batera landuko dute Zaldi bat eleberria; eta, ikasrturtea bukatzeko, maiatzaren 12an,Han Kang idazlearen Barazkijalea izango dute hizpide.

Uxue Alberdi idazle eta literaturzaleak gidatzen duen irakurle taldeak hamahirugarren ikasturtea izango du Zumaian. Hilabetean behin Alondegiko Moila gelan bildu izan dira taldekideak, irakurritakoak norberari zer ekarri eta iradoki dion partekatzeko. Astearteetan egiten dituzte saioak, 18:00etan. 

Albiste erlazionatuak