GAITU proiektua bultzatzeko deia egin du Zumaiako Udalak ere
Guztion artean ahotsen datu-basea sortzea da egitasmoaren helburua, teknologiari eta adimen artifizialari euskara irakasteko. Horretarako, gaitu.eus webgunean sartu eta ahalik eta esaldi gehien grabatu behar dira euskaraz.
Euskararen Nazioarteko Eguna gainean dugun honetan, Euskal Kostaldeko Geoparkeko Debako, Mutrikuko eta Zumaiako udalek bat egin dute Gaitu proiektua sustatzeko kanpainarekin. Erronka kolektiboa planteatzen du ekimen horrek: makinei, teknologiari eta adimen artifizialari euskara irakastea, mundu digitalean ere euskaraz bizi gaitezen. Zumaiako KZgunean egin daiteke, baina norberaren gailuekin ere bai.
Guztion artean ahotsen datu-basea sortzea da egitasmoaren helburua. Izan ere, hizkuntza gutxituak ez daude enpresa teknologiko handien asmoetan eta euskaldunok guk geuk sartu behar dugu mundu digitalean. Behin datu-basea sortuta, enpresa guztiek erabili ahal izango dute euskarazko tresna eta aplikazio berriak sortzeko. Ahots sistemak sortzeko, garatzaileek ahots grabazio asko eta askotarikoak behar dituzte. Horretarako, gaitu.eus webgunean sartu eta ahalik eta esaldi gehien grabatu behar dira euskaraz.
KZgunean laguntza eta jarraibideak
Norberaren gailuekin ere egin daitekeen arren, Zumaian KZgunea izango da ahotsak grabatzeko gune berezia. Azaroan arratsaldez eta abenduan goizez, egunero eskainiko dute aukera hori, ordenagailu bat egongo delako horretarako gordeta. Hori bai, badaezpada aurrez txanda eskatzea komeni da, 943023692 zenbakira deituta edota tutor.zumaia@kzgunea.net helbidera idatzita.
Etxeko ordenagailuarekin tabletarekin edo mugikorrarekin ere egin daitezke grabazioak. Hementxe jarraibide batzuk: gaitu.eus webgunean sartu, EMAN ZURE AHOTSA laukian klik egin eta mikroarekin ikurra sakatu behar da. Leihoan testu bat proposatuko zaigu, eta hori irakurri beharko dugu, mikrofono txikian klik eginda; grabazio amaitzeko laukitxoari sakatu behar zaio. Ahotsak bosnaka grabatu eta bidali ahal izango dira, zenbat eta gehiago hobeto. Besteen ahotsak ontzat eman daitezke ENTZUN atalean, eta esaldi berriak proposatu ere bai IDATZI sakatuta.
Zumaiarrok ere ekarpen ederra egin diezaiokegu gure hizkuntzari eta kulturari. Zure ahotsa garrantzitsua da!
Albiste erlazionatuak
Euskara
- Aurten ere egin errenta aitorpena euskaraz 2024/04/02
- Ohiko osoko bilkura egingo dute ostegun honetan 2024/03/19
- Zumaiako haurren hizkuntza ohiturak, adimen artifiziala eta kirol mundua izango dituzte hizketagai 'Euskara, bestela ez gara' hitzaldi zikloan 2024/02/02
- Iñaki Beobide Agirrezabalaga, gugan bego 2024/01/16
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18