Gaztelaniazko azpitituluak gehitu dizkiote 'Azaroak 15, itsasoak utzitakoa' dokumentalari

2020/12/05
'Azaroak 15, itsasoak utzitakoa' dokumentalari gaztelerazko azpitituluak gehitu dizkio Udalak eta bertsio hori ere ikusgai dago sarean. 1960an gertatutako istripuaren oroimenez bi proiekzio egin ziren Aita Mari zinean, eta azaroaren erdialdetik hamarnaka herritarrek ikusi dute dokumentala.

 

1960ko azaroaren 15ean Zumaiako gazte talde bat eraman zuen itsasoak, eta gertaera oroitzeko egitasmoa jarri du martxan Udalak, zenbait herritarrekin elkarlanean. Duela 60 urte gertatutakoa dokumentatzeko ikus-entzunezko bat ere egin du Zumaiako Udalak, Ikusmin ekoiztetxearekin batera.

Dokumentala Iñaki Agirrezabalaga zumaiarrak zuzendu du, eta Olatz Ovejero izan du zuzendari laguntzaile laneatan. Imanol Azkuek egin du gidoia, eta Kandido Urangak jarri dio ahotsa narrazioari. Argazki zuzendaria Iñaki Agirrezabalaga bera izan da, ilustrazioak Sebastian Cruzek egin ditu, eta soinuaren arduraduna Fabio de las Morenas izan da. Dokumentalean Bittor Zubizarreta, Javier Carballo, Rudy Holke, Jesus Mari Arano, Iñaki Zorita, Natividad Urbieta eta Ixiar eta Francisca Martija elkarrizketatu dituzte, gertaera horren sortu zizkien bizipenen inguruan. Gertaeraren ostean sortutako Junta de Salvamento 15 de noviembre salbementu-taldearen inguruan ere hitz egin dute dokumentalean, eta garai hartako Zumaia gertutik ezagutzeko aukera ematen du.

Azaroaren 15ean istripua gertutik bizi zuten herritarren aurrean aurkeztu zuten dokumentala, eta handik astebetera beste proiekzio ireki bat ere egin zuten. Ordutik ikusgai dago sarean.

Orain, gaztelaniazko azpitituluak gehitu dizkiote 'Azaroak 15, itsasoak utzitako' dokumentalari: