Itzurunbidea eta Larretxo auzunea lotuko dituen igogailua egiteko lizitazio prozesua martxan

2024/11/13

Eskaintzak aurkezteko azken eguna azaroaren 28a (osteguna) izango da; arratsaldeko 15:00etan itxiko da epea. Lehenengo lizitazio prozesuan eskaintzarik jaso ez zenez, Zumaiako Udalak %20 igo du aurrekontua bigarren deialdi honetan.

Zumaiako Udalak Itzurunbideko igogailua eraikitzeko obra kontratua esleitzeko prozesua abiatu du. Igogailuak Itzurunbidea pasealekua eta Larretxo auzunea lotuko ditu, eta helburua da herritarren mugikortasuna eta auzune horretako irisgarritasuna hobetzea.

Lehenengo deialdia hutsik gelditu ondoren, Udalak proiektuaren aurrekontua %20 igo du, obra horren beharra ikusita eta kontratugileek eskaintzak aurkez ditzaten erraztu asmoz. Proiektua Barru Arkitektura SLP enpresak garatu du, eta obraren lizitazio aurrekontua 674.668 eurokoa da (BEZ barne).

Eskaintzak aurkezteko azken eguna azaroaren 28a (osteguna) izango da; arratsaldeko 15:00etan itxiko da epea. Interesdunek Zumaiako kontratugilearen profilean kontsulta dezakete lizitazioaren inguruko dokumentazio osoa. 

> Kontratzailaren profila

Itzurunbidea eta Larretxo auzunea lotuko dituen igogailua egiteko lizitazio prozesua martxan