Zumaiena ikastetxearen ondoko pasabidea seguruagoa bihurtzeko eskuhartzea egin du Udalak

2024/11/27

Oinezkoen bide osoan zehar lorontziak eta barandak jarri ditu. Zumaiena ikastetxeko guraso elkartearekin adostutako hirigintza eskuhartzea izan da honakoa.

Zumaienako guraso elkartearen eskaerari erantzunez, barandak eta lorontziak jarri ditu Zumaiako Udalak Axular ibiltokiaren zati handi batean. Eremua trafikotik babestea, eta, ikasle zein eguneroko oinezkoentzat seguru mantentzea izan da da helburua, joan-etorrietarako espazio zabala eta erosoa uztearekin batera. Egitasmo honetarako aurrekontua 26.118 eurokoa izan da.

Horrelako hirigintza eskuhartzeekin herritarren eguneroko ibilbideak erosoago eta seguruago bihurtzea da helburua, eskola-bideak ahalik eta autonomoenak eta seguruenak izan daitezen bermatzearekin batera.

Zumaiena ikastetxearen ondoko pasabidea seguruagoa bihurtzeko eskuhartzea egin du Udalak