Otsaileko ohiko osoko bilkura egingo dute ostegunean
2025/02/25
Plenoan hainbat gai aztertuko dituzte, besteak beste: udaltzainen lan-eskaintza bateratuarekin lotutako kudeaketa-gomendioa eta Arrangoletako zabalgunean egin beharreko hirigintza garapenaren behin betiko onarpena. Bi mozio ere aztertuko dituzte: Mendebaldeko Saharako herriaren eskubide legitimoen defentsari buruzkoa, eta martxoaren 8ko adierazpena.
Zumaiako Udalak datorren ostegunean, otsailaren 27an, ohiko osoko bilkura egingo du, arratsaldeko 18:00tan, Udaletxeko pleno aretoan. Honako gaiak aztertuko dituzte, besteak beste:
- Arrangoletako zabalgunean egin beharreko xehetasun azterlanaren behin betiko onarpena, irisgarritasuna hobetzeko neurriak barne hartzen dituena.
- Azpeitia, Getaria eta Zumaiako udaltzainen lan-eskaintza bateratuaren kudeaketa-gomendioa, hiru udalerriren artean egingo den hautaketa-prozesu bateratua bideratzeko.
- Mendebaldeko Saharako herriaren eskubide legitimoen defentsarako mozioa.
- Martxoaren 8ko adierazpena.
- Udal organoen kontrola eta fiskalizazioa, barnean hartuta 2024 eta 2025eko errekurtsoak, kreditu aldaketak eta alkatearen ebazpenen berri ematea.
> Osoko bilkura 2025/02/27
