Padel txapelketa jokatuko da Zumaian ekainean eta uztailean zehar
Txapelketan parte hartzeko izen-ematea zabalik dago dagoeneko, ekainaren 2ra arte.
Zumaiako Udalak eta Kirol Patronatuak padel txapelketa antolatu dute udara honetarako. Ekaineko eta uztaileko asteburuetan jokatuko dira partidak, larunbat eta igande goizetan, eta bikote bakoitzak hiru partida izango ditu gutxienez, eta, gehienez ere 16 bikotek parte hartu ahal izango dute txapelketan.
Txapelketan parte hartzeko 20 euro ordaindu beharko dira bikoteko; kiroldegiko bazkideak ez direnek eguneko bonoa ere ordaindu beharko dute. Izen-ematea kiroldegian egin beharko da ekainaren 2a baino lehen, eta partehartzaile bakoitzak ordezko jokalari baten izena eman beharko du.
Izen-emate epea amaituta, ekainaren 3an (ostirala) Lubaki kiroldegian bilduko dira jokalari guztiak, txapelketaren araudiaz eta bestelako kontuez hitz egiteko. Bilera 19:00etan izango da.
> Padel txapelketa 2022 | ARAUDIA
Albiste erlazionatuak
Kirolak
- Zumaiako Udalak futbol-zelaira sartzeko bide egokiak erabiltzea eskatzen du 2024/07/01
- Uztailaren 12an amaituko da datorren ikasturteko haurren igeriketa ikastaroetan izena emateko epea 2024/06/28
- Futbol zelaiko argiteria LED teknologiara aldatzen ari da Udala 2024/06/06
- Zumaia inguruko trafikoan aldaketak izango dira larunbatean, Zarauzko Triatloia dela-eta 2024/06/04