Salgai daude santelmoetako esku pilota jaialdi profesionalerako sarrerak

2024/03/19

Apirilaren 7an (igandea) esku pilota jaialdi profesionala hartuko du Zumaiak: eskuz banakako txapelketako final-zortzirenetako partida, eta, Altuna-Martija eta Elordi-Zabaleta bikoteen arteko partida ikusi ahal izango ditugu herrian. Sarrerak entradasfronton.com webgunean eros daitezke.

Santelmoetan goi-mailako pilota partidak izango ditugu herrian. Apirilaren 9an (igandea) pilotari profesionalen bi partida izango dira, 17:00etan Aitzuri frontoian. 25 euro edo 30 euro balio dituzte sarrerek, eta dagoeneko salgai daude entradasfronton.com webgunean.

Bi partida ikusi ahal izango ditugu herrian: lehenengoa, eskuz banakako txapelketako final-zortzirenetakoa (zozketa bidez zehaztuko da bikoa); bigarrena, Altuna-Martija eta Elordi-Zabaleta bikoteen artekoa.

Zumaiako Udalak zumaiar guztiak gonbidatu nahi ditu goi mailako partida horiez gozatzera.

Salgai daude santelmoetako esku pilota jaialdi profesionalerako sarrerak
Elordi-Zabaleta bikotea Altuna-Martijaren aurka arituko da Aitzuri frontoian.