Zabalik dago Musi-K udalekuetan izena emateko epea

2024/06/07

4 eta 12 urte bitarteko haurrei zuzendutako jarduera da, eta musikaren esparru desberdinak ezagutzeko aukera izango dute partaideek. Izen-ematea zabalik dago, ekainaren 16ra arte.

Musika udalekuak uztailaren 15etik 26era bitartean egingo dira aurtengoan, 09:30etik 13:00etara bitartean. HH4tik LH6ra bitarteko haurrei zuzendutako aisialdi eskaintza da honakoa, eta musika ikasten ari direnek zein ikasketa formalik jasotzen ez dutenek parte hartu ahal izango dute.

Partaideek musikaren esparru desbedinak ezagutzeko aukera izango dute, baina, musika ez ezik, dantza nahiz askotariko jolasetarako tartea ere izango dute partaideek. Musika udalekuek 40. Musika Jaialdiari ateak zabalduko diote.

Izen-ematea

Parte hartu nahi dutenek eskuorria bete beharko dituzte, eta, ordainagiriarekin batera entregatu, ekainaren 16a baino lehen. Bi aukera izango dituzte horretarako: Alondegia kultur etxean entregatzea (astelehenetik ostiralera, 09:30-14:00 bitartean), edo, e-mail bat bidaltzea (alondegia@zumaia.eus).

> Izen-emate orria

Zabalik dago Musi-K udalekuetan izena emateko epea