Albisteak
Enplegu Zentroa ostegunean egongo da zabalik
Bulegoko ordutegia 09:00etatik 13:00etara bitartekoa izango da eta egun horretan enpresa sustapen zerbitzua zein lan orientaziorako laguntza eskainiko zaie herritarrei.
Olarro Egun jendetsu eta arrakastatsua bizitu zuen Zumaiak larunbatean
Udalak herritarren partaidetza itzela azpimarratu du eta eskerrak eman dizkie herriko talde eta elkarteei egindako lan eta esfortzuagatik, beren jarduna ezinbestekoa izan delako jaia ospatzeko. Halaber, ekintza bandalikoak medio, Erribera kalea apaintzen zuten banderak hautsi izana gaitzetsi du.
Amaitu da aparkamenduaren erregulazio sistemaren lehen txanpa
Bihartik aurrera (hilak 16) egoiliar eta OTA guneak ez dira indarrean egongo. Salbuespenak dira Ardantzabide auzoa eta errotazio altuko A eta C guneak. Udala hasia da dagoeneko lehen hiruhilekoaren diagnosi sakona egiten eta hori osatu eta sistema zuzendu eta hobetze aldera datozen hilabeteotan herritarren iritzi eta ekarpenak jasotzeko bilerak egingo dituela aurreratu du.
Hauek dira Olarro Eguneko batel estropadetako txandak
Bihar bertan ospatuko da Zumaian Olarro Eguna eta antolatutako ekintzen artean, ohikoa den bezala, estropadak egingo dira, oraingoan, goizeko txandan soilik, 12:00etan, hain zuzen. Ildo horretan, atzo arratsaldean zozketatu ziren turismo bulegoan izena emandako parte-hartzaile guztien artean estropada txanda eta batela.
Indarrez dator Euskal Kosta Krosa
21.097km-ko distantzia izango duen maratoi erdia datorren irailaren 30ean ospatuko da arratsaldeko 17:00etan. Zumaian hasi eta bukatuko da eta bertatik abiatuta Zarautzerainoko joan etorria egin beharko dute korrikalariek, tartean Getariatik pasatuz.
Turismo Planeko lehen laborategia partaidetsua izan zen
71 lagunek hartu zuten parte eta 7 lan-taldetan banatuta, turismoarekin lotutako zenbait gai landu, eztabaidatu eta partekatu zituzten.
Ostegunean 18:00etan bilduko da Berdintasun Foroa
Bilera hilaren 14an izango da Alondegian.
Olarro Eguneko txosnen planoa ikusgai hemen
4 egun besterik ez dira gelditzen 2017ko Olarro Eguna ospatzeko eta ekintza eta prestatze lan guztiak kontrolpean egonik, gaurkoan herrian zehar banatuta egongo diren txosnen planoa helarazten dizuegu, uneoro jakin dezazuen non eskuratu olagarro zopa edo broxetak. Ez zaitez zureak dastatu gabe gelditu!
Ekintzailetasuna, enplegua, inbertsioak eta lankidetza egitasmoak sustatzeko diru laguntza deialdia egin du Urola Kostako Udal Elkarteak
Urola Kostako Udal Elkarteak diru-laguntza deialdia egin du ekintzailetasuna, enplegua, inbertsioak eta lankidetza-egitasmoak sustatzeko. 230.000,00 euro emango dira diru-laguntzatan. Eskabideak aurkezteko epea irailaren 30ean amaituko da eta diruz lagunduko dira 2017ko urtarrilaren 1etik abenduaren 31ra burututako jarduerak.
Ur mozketa hornidura sarean egingo diren hobekuntza lanak direla-eta
Bihar, gutxi gorabehera arratsaldeko 15:00etatik 18:00etara bitartean, ur mozketak egingo dira herriko puntu ezberdinetan.