Ostegun honetan izango da AholkuSex sexu aholkularitza zerbitzuaren ikasturteko lehen saioa
Irailaren 24an, ostegun honetan, abiatuko du ikasturtea AholkuSex zerbitzuak, 18:00etan Brankan. Aurtengo ikasturtean beharrezkoa izango da aurrez zita hartzea.
Ostegun honetan, hilaren 24an, Aholkusex sexu aholkularitza zerbitzua martxan jarriko da beste urte batez; zumaiarrek sexuaren, sexualitatearen eta harremanen inguruko banakako aholkularitza jaso dezakete bertan.
Zerbitzuaren helburua harreman osasuntsuak eraikitzeko giltzarriak eskaintzea da, sexualitatearen, parekidetasunaren eta harremanen inguruan sor daitezkeen kezka desberdinen inguruan hausnartu eta erantzuna emanez.
Aholkusex zerbitzuaren bitartez gai desberdinak jorratuko dira, hala nola, identitate eta orientazio sexuala, bikote harremanak, elkarbizitza, intimitatea edota zeloak, baita zailtasun sexualarekin edo nerabeen heziketarekin zerikusia duten gaiak ere. Horietaz harago, herritarrek azaldutako beste edozein galderen inguruan ere aholkua eskainiko da. Zerbitzua doakoa, konfidentziala eta feminista da.
Ostegun honetan izango da lehen zita, eta aholkularitza nahi dutenek sexologiazumaiakoudala@gmail.com helbide elektronikora idatzita edo 605 748 579 telefonora deitu beharko dute. Aurrerantzean egingo dituzten aholkularitza saioak erabiltzailearekin adostutako egunetan izango dira. Halaber, zerbitzua telefonoz eta emailez ere eskainiko dute.
Albiste erlazionatuak
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19
Berdintasuna
- Udal adierazpena, LGTBI+ Harrotasunaren Nazioarteko Egunean 2024/06/28
- 'Hirigintza inklusiboa, denontzako herria eraikitzeko tresna' hitzaldia eskainiko dute ekainaren 4an 2024/05/31
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Berdintasunerako ordenantza jendaurrean erakusgai dago 2024/05/13