Mendebaldeko Saharako errefuxiatuen kanpalekuetara bidaia jarraitzeko aukera Zumaiako GUKAn

2025/04/15

Sahararren bizi duten errealitatea bertatik bertara ezagutzen ari dira zumaiar ugari egunotan. Darahli elkarteak bultzatutako ekimen honen helburua da Saharako herriaren egoera gizarteratzea eta belaunaldi gazteekin lotura berriak sortzea.

Joan den asteburutik Mendebaldeko Saharako errefuxiatuen kanpalekuetan dabiltza Zumaiako lagun ugari. Darahli elkarteak antolatuta, eta elkartasuna eta lankidetza ardatz hartuta, askotariko ekintzak egiten ari dira egunotan. Ikasle mordoa joan dira, baita Darahli elkartearen bueltan lanean aritzen diren herritarrak ere. Iñaki Ostolaza alkatea ere bertan da, Zumaiako Udalaren ordezkari moduan bertako errealitatea lehen eskutik ezagutzeko eta elkartasun instituzionala adierazteko helburuz.

Bidaia horren jarraipen xehea egiten ari da Zumaiako GUKA "Eremuko dunen atzetik" atalean.

> Zumaiako GUKA: 'Eremuko dunen atzetik'

Mendebaldeko Saharako errefuxiatuen kanpalekuetara bidaia jarraitzeko aukera Zumaiako GUKAn
Zugeko haurtzaindegia margotzeko auzolan eguna izan dute gaur zumaiarrek. Argazkia: Maria Maya (GUKA)