Zabalik dago euskaltegian izena emateko epea
Ikasturte berriaren atarian, euskaltegiek zabaldu dute matrikulazio kanpaina, eta ohi bezala UEMAk eta Zumaiako Udalak herritarrak gonbidatu nahi dituzte ikastaroetan izena ematera.
Udalerriak euskalduntzeko ohiko lanaren baitan, euskaltegien lana oinarrizkoa da UEMArentzat zein Zumaiako Udalarentzat. Izan ere, etorri berrien formazioan ez ezik, aspaldidanik Euskal Herrian bizi diren baina oraindik euskararik ez dakiten herritarren alfabetatzean ere nabarmen eragiten baitute euskaltegiek.
Zumaian, Igor AEK Euskaltegian zabalik dago matrikula egiteko epea. Eskaintza zabala prestatu dute beste urte batez: talde txikietan egiten dute lan, eta maila guztiak eta ordutegi zabalak eskaintzen dituzte. Matrikulazio epea zabalik egongo da irailaren 24ra bitartean.
Zorroztu zure euskara
Kanpainari hauspoa emateko, udalerri euskaldunetan bizi diren eta euskara ikasi duten hainbat herritar elkarrizketatu ditu UEMAk, eta horiek egindako bidea bildu du zenbait bideotan, sare sozialetan zein telefono bidez mezularitza aplikazioetan zabaltzeko. Euskaraz ez ezik, bakoitzaren hizkuntzan ere mintzo dira, beraien herrialdeetatik heldutakoei euskara ikastearen garrantzia nabarmentzeko.
Honakoak dira bideoetan agertzen diren lagunak: Marija Louvric (Kroaziatik Zestoara), Omar Diop (Senegaldik Berriatuara), Silvia Arbanesi (Argentinatik Berara), Xanta Souza (Brasildik Lesakara), Ielyzaveta Mapa Petrutxenia (Ukrainatik Lekeitiora), Zuzana Epelde (Eslovakiatik Markina-Xemeinera), Manuel Abad Barrocal (Espainiatik Mutrikura), Federico Jose Herrero Huertas (Herrialde Katalanetatik Mutrikura), Iñaki Fernandez Castañares (Eibartik Mutrikura) eta Jose Luis Aldasoro Magaña (Mexikotik Mutrikura).
Albiste erlazionatuak
Zumaia bizitzeko da
- Padel txapelketa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Kamioneta elektriko berria Udal Brigadarentzat 2024/04/11
Euskara
- Aurten ere egin errenta aitorpena euskaraz 2024/04/02
- Ohiko osoko bilkura egingo dute ostegun honetan 2024/03/19
- Zumaiako haurren hizkuntza ohiturak, adimen artifiziala eta kirol mundua izango dituzte hizketagai 'Euskara, bestela ez gara' hitzaldi zikloan 2024/02/02
- Iñaki Beobide Agirrezabalaga, gugan bego 2024/01/16
Ikastaroak
- Eskola-kiroleko monitore laguntzaile izateko ikastaroko izen-ematea ostiral honetan itxiko da 2024/03/04
- Urtarrilaren 31n hasiko da ‘Zaindu Urola Kosta’ prestakuntza programaren teleformazioa 2024/01/16
- Geoparkean gidari izateko trebakuntza ikastaroa eskainiko du Euskal Kostaldeko Geoparkeak 2024/01/15
- Zaintzaileei eta zainduen familiartekoei zuzendutako ikastaroak eskainiko ditu UKUEk azaroan eta abenduan 2023/11/21