Uztailaren 12an amaituko da datorren ikasturteko haurren igeriketa ikastaroetan izena emateko epea

2024/06/28

Irailaren 30ean hasiko dira ikastaroak, baina lehenago eman beharko da izena. Bi aukera daude horretarako: kiroldegira joatea, edo online formularioa betetzea. Gazteen eta helduen ikastaroetan izena emateko epea ere zabalik dago.

Irailaren 30etik ekainaren 20ra bitartean egingo dituzte 2024/2025 ikasturteko haurren igeriketa ikastaroak, eta bi talde nagusitan banatuta dago eskaintza: bata, 6 hilabete eta 3 urte bitarteko haurtxoei zuzendutakoa; eta, bestea, 3 urtetik gorakoena. Ikasturtea irailaren 30ean hasiko bada ere, orain eman beharko da izena: ekainaren 3tik uztailaren 12ra bitartean. Bi aukera egongo dira horretarako: kiroldegira joatea, edo online formularioa betetzea:

Eskaintza:

Haurtxoen uretako jarduerak: 6 hilabete eta 3 urte bitartekontzat

EGUNA

ORDUA

BAZKIDEAK

EZ BAZKIDE

Haurtxoen uretako jarduerak

(6 hilabete- 3 urte)

Ostiralean  (30’)

Eskaeraren arabera

103,25€

266,75€

OHARRA:

  • Ikastaroan haurrekin laguntzaile bakar bat onartuko da.

  • Haurtxoak bazkide gisa ikastaroa egiteko gurasotako batek izan behar du bazkide.

Haurren uretako jarduerak: 3 urtetik gorakoentzat

MAILA

EGUNA

ORDUA

BAZKIDEAK

EZ BAZKIDE

Itsas izarra

Astean behin (30’)

16:30etatik aurrera

103,25€

266,75€

Dordoka

Karramarroa

Ixkira

Olagarroa

Antxoa*

Astean behin

(45’)

18:30etatik aurrera

103,25€

266,75€

Aingira*

*Talde hauetako partaideek TAOSA igeriketa taldeak antolatutako saio osagarria egiteko aukera izango dute. Saio hau elkarteak kobratuko du (15€/hilean).

OHARRA:

  • Kontuan izan taldeak eskaeraren arabera antolatuko direla, eta mugak jarriz gero aukerak txikiagoak izango direla.

  • Eskaria eskaintza baino handiagoa bada, antolatzaileak zozketa egiteko aukera izango du.

  • Ikastaroak 9 hilabeteko iraupena izango du eta bi zatitan ordainduko da.

    • Bazkideak: kontu korrontera urrian eta urtarrilean bidalitako erreziboen bidez.

    • Ez bazkideak: ikastaroan izena ematean.

  • Haurren saioetarako laguntza bat onartuko da aldagelatan.

  • Saioak ikusteko eremurik ez dago. Saioak ikusteko egunak kiroldegiko harreran jarriko dira.

Helduen kirol ikastaroetako izen-ematea ere zabalik

Haur, gazte zein helduentzako ikastaro eskaintza ere egongo da 2024/2025 ikasturtean ere: pilates, cycling, TRX, GAP edota igeriketa, besteak beste. Eskola kirol egokituan parte hartzeko aukera ere izango da: astean bi egunez 60 minutuko kirol jarduera egiteko aukera izango dute aniztasun funtzionala duten 6 urtetik gorako haur eta gaztetxoek.

> Neguko kirol ikastaroen eskaintza (2024/2025 ikasturtea)

Uztailaren 12an amaituko da datorren ikasturteko haurren igeriketa ikastaroetan izena emateko epea