Dantzak hartuko du Zumaia maiatzean
Zumaiako Udalak, Astindu dantza elkartearekin batera, Maiatza Dantzan jaialdiaren hamaikagarren edizioa antolatu du hilabete honetarako. Tango tailerrarekin hasiko da ekimena, larunbat honetan bertan.
Herriko festak amaitu berritan, Zumaiak dantzan jarraituko du maiatza osoan. Hamaikagarrenez, Astindu dantza elkarteak eta Zumaiako Udalak elkarlanean ekitaldi ugari antolatu dituzte hilabete osorako. Larunbat hontan bertan (hilaren 7an) hasiko da dantzaren hilabetea, tango tailer irekiarekin -tailerra 17:00etan izango da, Odieta frontoian-.
Hilaren 14an Dantzari Eguna ospatuko da, musika eskolakoen kalejira eta dantza emanaldiarekin. Maiatzaren 21ean, berriz, Astindu dantza elkartearen eguna izango da; elkarteko bazkideek rueda cubana dantza tailerra egingo dute, eta, ondoren, elkarrekin bazkalduko dute.
Maiatzaren 28an Korrontzi musika taldeko musikariek eta Astindu elkarteko dantzariek emanaldia eskainiko dute, 19:30ean Zumaienan. Sarrerak dagoeneko salgai daude turismo bulegoan, 8 euroren truke (gazte txartela dutenek 6 euro ordaindu beharko dituzte). Emanaldian bildutako dirua Aita Mari salbamendu itsasontzira bideratuko dute.
Hilabetea dantza garaikideari buruzko mahainguruarekin amaituko dute, hilaren 31n (asteartea).
Albiste erlazionatuak
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19
Parte hartzea
- Sanpedroak ate joka, aurtengoan, berrikuntzekin 2024/06/19
- Hondakinen kudeaketaren inguruko mahaia, ekainaren 17an Zumaian 2024/06/12
- Mugikortasunaren inguruko inkesta betetzeko azken egunak 2024/06/04
- Mugikortasun Jasangarrirako Plana egiteko prozesua abiatu du Udalak, eta inkesta bat zabaldu die herritarrei 2024/05/09
Kultura
- Aita Mari antzokia itxita egongo da ekainaren 21etik uztailaren 9ra 2024/06/20
- Sanpedroak ate joka, aurtengoan, berrikuntzekin 2024/06/19
- Maiatzaren 13an zabalduko dute Musika eta Dantza Eskolako matrikulazioa 2024/05/10
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30